Yaxshi daromad keltiruvchi antiqa kasblar

Bu dunyoda shunday g‘aroyib kasblar borki, ular egalariga yaxshigina daromad olib keladi. Bu kasblar haqida ilgari eshitmagan bo‘lsangiz, hayratlanishingiz tabiiy.

Ilon zaharini to‘plovchilar  

«Ilonsog‘ar»lar dunyodagi eng zaharli shaqildoq ilon va kobralarning zaharini yig‘ishadi. Olingan zahar kasalxonalar va laboratoriyalarda ziddi zahar tayyorlash uchun foydalaniladi va bir grammi taxminan 1000 dollardan sotiladi.

Kelinning dugonasi

U haqiqiy dugonadan farq qilmaydi, lekin mas'uliyatli to‘y kunida o‘z tajribasi bilan asqotadi. O‘ziga xos yordamchi vazifasini bajaruvchi dugona turli muammolarni yechadi va fotosuratlarda chiroyli chiqadi. Kelinning dugonasi xizmati uchun 300dan 2000 dollargacha haq oladi.

Aysberg suruvchi

Xalqaro muz qo‘riqchilari okeanda yirik aysberglarning harakat yo‘nalishini kuzatib boradi va kemalar uchun xavfsiz yo‘nalishlarni tavsiya etadi. Zaruriyat tug‘ilganida ular aysberglarni kema yo‘lidan surib berishadi.

Yig‘lovchi

Professional yig‘lovchi aza marosimida o‘zining qayg‘u bilan yig‘lashi orqali hammani hayron qoldira oladi. Angliyaning «Yig‘lovchini yollang» kompaniyasi ikki soat uchun 70 dollar evaziga o‘z mutaxassislari xizmatini taklif etadi.

 Itlarni serfingga o‘rgatuvchi

Serfingga nafaqat insonlarni, balki itlarni ham o‘rgatishadi. Itlar va ularning egalari yoki faqat itlar uchun serfing darslari to‘lqinlar uzra parvoz sirlarini o‘rgatadi.

Yuzlarni sinovchi

Bu mutaxassis o‘zining sezgir barmoqlari bilan kosmetik mahsulot yoki soqol tarashlovchi uskunani sinovdan o‘tkazayotgan kishining yuzlarini silash orqali mahsulotning sifatini tekshirib ko‘radi. Bu kasbda soatiga 25 dollargacha daromad topish mumkin. 

Jasadlar zargari

Aziz insonidan ayrilgan ayrim insonlar ayriliqqa ko‘nikishni istashmaydi va marhumning jasadidan zargarlik buyumi yasashga buyurtma berishadi. Ular marhum tanasi bo‘lagidan tayyorlangan uzukni taqib yurishadi.

Nafasni baholovchilar

Ular rezinka saqich, so‘rma qandlar, tish pastalari ishlab chiqaruvchi kompaniyalarda ishlashadi. Maxsus sinov paytida ular mahsulotning sifatini baholashadi va bu haqda hisobot tayyorlashadi.

Itlar uchun ozuqani yeb sinab ko‘ruvchilar

Ayrim kompaniyalar itlar uchun chiqarilgan ozuqaning ozuqaviy qiymatini baholash uchun ishchi yollaydilar. Shuni ham aytib o‘tish joizki, aksariyat hollarda sinovchilar itlar ozuqasini chaynab ko‘rishadi, lekin yutib yuborishmaydi.

Jinsni aniqlovchilar

Bu mutaxassislarning vazifasi tuxumdan chiqqan jo‘jalarning tovuq yoki xo‘rozligini aniqlashdir. Asosan Angliya va Yaponiyada keng tarqalgan bu kasb egalari yiliga 60 ming dollargacha pul topishadi.

Navbatda turuvchilar

Narxlar arzonlaydigan mavsum va Apple kompaniyasining yangi mahsuloti sotuvga chiqadigan kunlari bu kasb egalari qattiq ter to‘kishadi. Ana shunday kasb egalaridan birining aytishicha, u haftasiga ming dollargacha haq oladi.

Bashorat tuzuvchilar

Xitoy restoranida ovqatlanib bo‘lganingizdan so‘ng idishingiz ostida munajjimlar bashoratiga ko‘zingiz tushsa, ajablanmang. Bu bashoratni tuzuvchilar uning sizga yoqishi uchun astoydil bosh qotirishadi. Munajjim bashoratini tuzuvchilar yiliga o‘rtacha 40 ming dollar ishlashadi.